глас 1
Христова тя сродника, о Иудо, ведуще, и мученика тверда, священно вос­хваляем, прелесть поправша, и веру соблюдша. Темже днесь всесвятую твою память празднующе, грехов разрешение молитвами твоими приемлем.

Слава

глас 2
Твердым умом избран ученик ты явился еси и столп необорим Церкве Христовы, языком проповедал еси слово Христово, веровати глаголя во едино Божество, от Негоже прославився, приял еси дар исцелений, целити недуги притекающим к тебе, апостоле Иудо всехвальне.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.