глас 3
Да торжествует Церковь Христова и да радуется град Москва, яко возсия светильник земли Российския, во исповедании истины непоколебимый Иов Патриарх, егоже молитвами, Господи, вся соблазны мира сего и ереси искоре­ни, люди во благочестии настави и утверди в Православии.

Слава

глас 7
В годину лютых искушений многострадальному Иову подобяся, обратив паству к покаянию, терпеливе Иове святителю, моли и нам за вся благодарити Господа и всегда воздавати славу Богови.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.