глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 3
Иже к добродетелем прилежанием взыграния плоти обуздал еси, благими нравы душу свою украсив, от земных Христу превозведе ум свой, тем от Него исцелением струя независтна явися, притекающим верою к тебе и любезно зовущим: Варлааме отче наш, моли Христа Бога, да спасет души наша.

Слава

глас 8
Яко звезда светозарная, от Великаго Новаграда пришед, в чужих, яко в западных странах, зайде, от восток чудес, яко солнце, возсия, темже, иже во тьме и сени смертней, в недузех лежащии, свет исцеления от тебе приемлюще, с нами, чады твоими, непрестанно вопиют тебе: радуйся, Богомудре Варлааме отче наш.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.