глас 1
В рождестве девство сохранила еси, во успении мира не оставила еси, Богородице, преставилася еси к животу, Мати сущи Живота, и молитвами Твоими избавляеши от смерти души наша.

глас 8
Православия наставниче, благоче­стия учителю и милости сокровище, ар­хиереев украшение, людей зырянских наставниче, святителю Питириме, ду­шу свою за Христа положивый, моли Единаго Человеколюбца о пастве твоей и о всех любовию чтущих память твою.

Слава

глас 3
Монашескими добродетельми во обители святителя Алексия первее украсився и прославлению того послужив, пастырь явился еси людем зырянским и, яко агнец чист, принеслся еси Слову Началопастырю, мученик быв, Питириме святителю всехвальне. Темже торжествуем вси любовию Божественную память твою.

И ныне

глас 2
В молитвах Неусыпающую Богородицу, и в предстательствах непреложное упование, гроб и умерщвление не удержаста: якоже бо Живота Матерь, к животу престави, во утробу Вселивыйся Приснодевственную.