глас 2
По вся дни Бога ради умервщляемь, святителю и исповедниче Христов Агафангеле, во время безбожных гонений лютых попечение о Церкви Русской от святителя Тихона приял еси и, наветы диавольския разорив, корабль церковный мудре силою возлюбившаго тя Господа управил еси. Егоже моли даровати нам мир и велию милость.

Слава

глас 4
Исполняя во плоти твоей лишение скорбей за Тело Христово, еже есть Церковь, страждующим чадом Ея милостию и смирением, преподанием мира и мудростию послужил еси, сего ради на свещнице архиерейстем, яко светильник горяй и светяй, возсиял еси и мощи твоя граду Ярославлю во утверждение даровал еси, святителю Агафангеле, отче наш.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.