глас 1
В рождестве девство сохранила еси, во успении мира не оставила еси, Богородице, преставилася еси к животу, Мати сущи Живота, и молитвами Твоими избавляеши от смерти души наша.

глас 3
Церкви усердный служителю, пастырем верный помощниче, отроком мудрый наставниче, страждущим благодушный утешителю, житие в трудех священных провождал еси и блаженное упокоение восприял еси, преподобне отче Мисаиле, моли Христа Бога спастися душам нашим.

Слава

глас 3
Людие града Тобольска почитают тя, отче Мисаиле, яко пастыря добраго и молитвенника неусыпнаго, подвижника терпеливнаго и наставника смиреннаго, Церкви Христове в житии своем усердне послужившаго, ныне же во обителех Небесных молящагося о спасении душ наших.

И ныне

глас 2
В молитвах Неусыпающую Богородицу, и в предстательствах непреложное упование, гроб и умерщвление не удержаста: якоже бо Живота Матерь, к животу престави, во утробу Вселивыйся Приснодевственную.