Основатели Валаамскаго монастыря на Ладожском озере; своими беседами и христианскою жизнию они распространяли православную веру в Карелии; скончались ок.1353 г. Св.мощи их почивают на Валааме.
русскийславянскийглас 4Евангелия Христова истиннии послушницы явистеся, преподобнии, мир и вся яже в нем, яко не сущая, преобидевше любве ради Христовы, и в морский остров вселистеся, и трудолюбно в нем противу козней невидимых врагов подвизастеся, постом, бдением же и всенощным стоянием плоти своя духу мудре повинули есте; сего ради от Вседержительныя десницы достойныя венцы прияли есте. И ныне Пресвятей Троице предстояще, молитеся, всеблаженнии отцы Сергие и Германе, сохранитися в мире отечеству нашему и спастися душам нашим.
Слава
глас 4От мирскаго жития изшедше, отвержением же мира Христу последовасте, и достигосте великаго Нева езера, и в нем на острове Валааме всельшеся, равноангельским житием пожили есте, отонудуже, веселящеся, прешли еси к Небесным чертогам. И ныне со ангелы Владычню престолу предстояще, поминайте нас, чад своих, яже собрали есте, Богомудрии, да радостно от души вопием: радуйтеся, Сергие и Германе, отцы преблаженнии.
Величание
Ублажаем вас, преподобнии отцы Сергие и Германе, и чтим святую память вашу, наставницы монахов и собеседницы ангелов.
Молитва
