20 лет от роду принял монашество и подвизался сначала в Боровском монастыре, Калужской губ., потом основал свой монастырь в г. Волоколамске, Московской губ.; обличал еретиков жидовствующих и написал против них книгу "Просветитель"; скончался в 1515 г.; св. мощи его в Волоколамском монастыре.
русскийславянскийглас 5Яко постников удобрение и отцев красоту, милости подателя, разсуждения светильника, вси вернии сошедшеся восхвалим, кротости учителя, и ересей посрамителя, премудраго Иосифа, Российскую звезду, молящася Господу, помиловатися душам нашим.
Слава
глас 8Жития треволнения и мятеж мирский, и страстная взыграния в ничтоже вменив, пустынный гражданин показался еси, многих быв наставник, Иосифе преподобне, монахов собратель, и молебник верен, чистоты рачитель. Моли Христа Бога спастися душам нашим.
Величание
Ублажаем тя, преподобне отче Иосифе, и чтим святую память твою, наставниче монахов и собеседниче ангелов.
Молитва
О великий наставниче, ревнителю и учителю православныя веры, святе премудре Иосифе! Приими моление, от нас грешных к тебе приносимое, и теплым предстательством умоли в Троице славимаго Бога, да ниспослет он богатыя своя милости нам грешным: да утвердит во святей Своей православной Церкви правую веру и благочестие: пастырем ея да подаст святую ревность о спасении словеснаго стада, яко да верующих соблюдут, неверующих же и отпадших от истинныя веры вразумят и обратят. Святейшему же Патриарху нашему да дарует Господь мужество, мудрость и на враги победу и одоление, всем же нам испроси вся благопотребная во временном сем житии и полезная к вечному спасению нашему. Помяни стадо свое, еже собрал еси, не забуди посещати чад своих и, яко чадолюбивый отец, не презри, ниже отрини моления наша, но воздежи руце свои молитвеннии ко Господу Богу, да отложит праведный гнев Свой движимый на ны и избавит нас от враг видимых и невидимых, от глада, потопа, меча, смертоносныя язвы, нашествия иноплеменных и междоусобныя брани. Ей, премилосердый заступниче наш, преславный чудотворче, всех нас управи в мире и покаянии скончати живот наш и преселитися со упованием в блаженная недра Авраамова, идеже непрестанно славословится всепетое имя Отца и Сына и Святаго Духа. Аминь.
