Был сначала послом Константинопольскаго патриарха, потом митрополитом в Литве, потом на Московской кафедре, был изгоняем и кафедру занимал другой, много потрудился для Русской Церкви сначала в Литве потом в Москве, скончался в мире в 1406 г.
русскийславянскийглас 4Иже от Бога свыше Божественною благодатию совершен и благими нравы украшен, Духом Святым просвещен, совершив святыню в страсе Божии, сподоблен бысть благодати Божественнаго Духа, пасый Церковь Божию Русския митрополии, постом вся поборая, волнения претерпе, гонение применув, святаго Петра митрополита всегда себе в помощь призывая, и сего помощника имея, и того стопам последуя. Служитель благоприятный заповеди Божии соблюдая, Духом Божиим наставляем, просвещая верныя люди учением словес твоих, пощением украси житие свое, ярем Господень измлада восприим, и паче всех Христа возлюби. Того ради и архиерейским седалищем почтен, и, яко светозарное солнце от Сербския земли происшед, и по вся концы Русския земли добродетелию просияв, светло явися мирови, и преставися ко Господу от сея жизни в вечный покой, великий архиерею Божий, Киприане митрополите, учителю и наставниче Русския земли, всегда предстоя престолу Пресвятыя Троицы, моли Господа прилежно об архиереях и о всех христианех, да спасет тебе ради души наша.
Слава
глас 2Необорим столп Православия, вере Христове утверждение, церквам украситель, премудрый учитель, сербское воспитание, русское процветение, Господнею любовию распаляем, Духу Пресвятому дом явися и душу, яко жертву непорочну, Господеви принесе, досточудне и всечестне Киприане, святителю Христов. Сего ради вселися в широту райскую, предстоя Христу в лице святых, Емуже молися и спасай град и люди от поганых нахождения, яко да зовем ти: радуйся, отче Киприане, учителю премудрый.
Величание
Величаем тя, святителю отче Киприане, и чтим святую память твою, ты бо молиши за нас Христа Бога нашего.
Молитва
