Старец Зосимовой пустыни, был прозорлив, молитвами совершал чудеса, скончался в мире в 1928 г.
русскийславянскийглас 5Яко звезда путеводная и утешитель богомудрый в годину лютых испытаний явился еси, затворниче предивный отче Алексие, огнем бо веры распалаемь, любовь Христову стяжал еси, темже и, благодать Духа Святаго восприем, имя избранника Божия на патриарший престол жребием открыл еси. Ныне же, Святей Троице предстоя, моли спастися душам нашим.
Слава
глас 1Благочестиваго корене отрасль святая, многими добродетельми от юности просиял еси, любовию Христовою уязвився, евангельски людем послужил еси, и, в пустыню Зосимову вселився, неоскудный источник благодати показался еси, преподобне старче наш Алексие, Церкве Русския украшение. Слава Давшему ти крепость, слава Избравшему тя, слава Действующему тобою всем исцеления.
Величание
Ублажаем тя, преподобне отче, и чтим святую память твою, наставниче монахов и собеседниче Ангелов.
Молитва
