После мучений за веру Христову были обезглавлены в орде татарской, в 1246 г. Св. мощи их в Москве, в Архангельском соборе.
русскийславянскийглас 4Жизнь вашу мученически совершивши, исповедания венцы украсившеся, к небесным востекосте, Михаиле премудре, с доблим Феодором, молите Христа Бога, сохранити Отечество наше, град же и люди, по велицей Его милости.
Слава
глас 8Царство земное в ничтоже вменив, славу, яко преходящую, оставил еси, самозван пришед к подвигом, Троицу проповедал еси пред нечестивым мучителем, страстотерпче Михаиле, с доблим Феодором, Царю сил предстояще, молите без вреда сохранити Отечество наше, град же и люди, да вас непрестанно почитаем.
Величание
Величаем вас, страстотерпцы святии Михаиле и Феодоре, и чтим честная страдания ваша, яже за Христа претерпели есте.
Молитва
О великомученицы Христовы и исповедницы, благоверный княже Михаиле и болярине Феодоре! Храбрии есте в ратех и врагом прогонители и обидимым заступницы всем православным христианом! Помилуйте нас, грешных и недостойных раб своих, в бедах и скорбех и печалех и во всякой злой напасти и от всякаго злаго и обидящаго человека, ибо дана вам бысть таковая благодать от Бога молитися за нас грешных, в бедах и напастех зле страждущих, и избавите нас от обидящих и ненавидящих: будите нам поборницы крепки на вся видимыя и невидимыя враги наша. О великомученицы всехвальнии и исповедницы веры Христовы, княже Михаиле и болярине Феодоре, предстоятели небеснаго Царя! приимите моление наше от недостойных рабов своих, всех православных христиан, настоящих бед и скорбей и печалей и будущаго мучения избавите нас, верно вопиющих Богу: Аллилуия.
