глас 5Яко всехвальнии ученицы великаго покровителя и заступника земли Русской, Богоноснии отцы наши Афанасие и Феодосие, от юности вашея крест Христов на рамена вземшии, усердно Тому последовали есте и добре потрудилися в Сергиевой обители. Отонудуже Божиим изволением прибывша, благочестно во граде нашем Череповце подвизалися есте и обитель Воскресения Христова устроиша, молитвою и трудом Богу угодивше, от Него венец славы Небесной прияли есте, и ныне святыми своими телесы в соборнем храме под спудом почивающе, духом же вкупе с преподобным Сергием у Престола Всевышняго предстоя, о нас молитеся прилежно избавитися нам от всех бед и скорбей и спастися душам нашим.
Слава
глас 2Волнений множество невлажно проходяще, безплотныя враги струями слез ваших крепко погрузили есте, богомудрии и преподобнии, и чудес дар приимше, молите непрестанно о всех нас.
Величание
Ублажаем вас, преподобные отцы Афанасие и Феодосие, и чтим святую память вашу, наставницы монахов и собеседницы ангелов.
Молитва
